Tíortha an mhéadaithe

Ráiteas misin

Cothaíonn comhchoiste comhairliúcháin cineál comhair atá comhsheasmhach cobhsaí le húdaráis áitiúla agus réigiúnacha ó aon tír atá ag lorg ballraíocht san Aontas Eorpach. Rannchuidíonn gníomhaíochtaí na gcomhchoistí comhairliúcháin leis an méid seo a leanas:

• ​​​ionadaithe áitiúla agus réigiúnacha a ullmhú do bhallraíocht an Aontais Eorpaigh;
• an tionchar a bhíonn ag beartais de chuid an Aontais ón taobh áitiúil agus réigiúnach a mheas;
• sreabhadh díreach faisnéise dhá threo maidir lena bhfuil ag tarlú ar bhonn polaitiúil sna tíortha lena mbaineann agus san Aontas; agus
• monatóireacht a dhéanamh ar an gcaibidlíocht agus díriú ar réimsí a bhfuil tábhacht faoi leith acu do na húdaráis áitiúla agus réigiúnacha.

Conas a chuirtear comhchoiste comhairliúcháin ar bun?

• ​​Arna iarraidh sin do rialtas na tíre lena mbaineann.
• Ar bhonn an 'Chomhaontaithe Cobhsaíochta agus Comhlachais'.
• I bhfoirm dearbhú oifigiúil de chuid na 'Comhairle Cobhsaíochta agus Comhlachais' idir Comhairle an Aontais Eorpaigh agus an tír is iarrthóir.

Cé a ghlacann páirt sna comhchoistí comhairliúcháin?

• ​​Maidir le leath de na hionadaithe i gComhchoiste Comhairliúcháin, is ionadaithe áitiúla nó réigiúnacha ón tír lena mbaineann iad, agus is comhaltaí de Choiste Eorpach na Réigiún iad an leath eile.
• Bíonn ionadaí amháin ón tír lena mbaineann agus comhalta amháin ó Choiste Eorpach na Réigiún ina gcomhchathaoirligh ar Chomhchoiste Comhairliúcháin. 

Conas a fheidhmíonn na comhchoistí comhairliúcháin?

• ​​Is ar bhonn comhpháirteach a dhéantar cinntí.
• Glacann gach comhchoiste comhairliúcháin a rialacha nós imeachta féin.
• Tagann na comhchoistí comhairliúcháin i gceann a chéile faoi dhó sa bhliain; uair amháin sa Bhruiséil mar chuid de Lá an Mhéadaithe agus uair amháin eile sa tír chomhpháirtíochta.

Rannchuidíonn gníomhaíochtaí na Meithleacha leis an méid seo a leanas:

• ​​comhar a chothú leis na húdaráis áitiúla agus réigiúnacha sa tír nó sna tíortha lena mbaineann;
• an tionchar a bhíonn ag beartais de chuid an Aontais ón taobh áitiúil agus réigiúnach a mheas;
• sreabhadh díreach faisnéise dhá threo maidir lena bhfuil ag tarlú ar bhonn polaitiúil sna tíortha lena mbaineann agus san Aontas; agus
• malartú dea-chleachtais i réimsí sonracha comhair.

Conas a chuirtear meitheal ar bun?

• ​Le cinneadh ó Bhiúró Choiste na Réigiún i gcomhréir le Rialacha Nós Imeachta an Choiste.

Cé a ghlacann páirt sna meithleacha?

• ​​Comhaltaí Choiste na Réigiún.
• Ionadaithe áitiúla agus réigiúnacha ó na tíortha comhpháirtíochta, ag brath ar na hábhair a phléitear agus ar shuíomh an chruinnithe.

Tagann na meithleacha i gceann a chéile faoi dhó sa bhliain; uair amháin sa Bhruiséil mar chuid de Lá an Mhéadaithe agus uair amháin eile i dtír chomhpháirtíochta.​