Karl-Heinz Lambertz, il-President tal-Kumitat Ewropew tar-Reġjuni, ta l-ewwel diskors li qatt sar dwar “L-istat tal-Unjoni Ewropea: il-Perspettiva tar-Reġjuni u l-Bliet" fl-10 ta' Ottubru fi Brussell. Id-diskors ġie segwit minn dibattitu mal-mexxejja lokali u reġjonali mill-Istati Membri kollha tal-UE.
Id-diskors tal-President Lambertz jikkontribwixxi għall-istabbiliment tal-aġenda futura tal-UE billi jittieħed kont tas-sitwazzjoni attwali tar-reġjuni u l-bliet fl-Unjoni. Din tħares 'il quddiem lejn l-isfidi għall-gvernijiet lokali fis-snin li ġejjin.