Bureau  
Il-Bureau huwa grupp ta’ membri tal-KtR li jista’ jitqies bħala l-mutur politiku tal-KtR: dan ifassal il-programm politiku tiegħu u jara li ssir l-implimentazzjoni tiegħu.

Il-Bureau jiltaqa’ qabel kull sessjoni plenarja biex jikkoordina il-ħidma tal-Assemblea Plenarja u l-kummissjonijiet. Dan jiltaqa’ wkoll darbtejn fis-sena f’laqgħat straordinarji fil-pajjiż tal-UE li jkollu l-Presidenza tal-Kunsill tal-UE.


 

Il-Bureau għandu terminu politiku wkoll? Kemm idum?

Eżatt bħall-President, il-Bureau għandu mandat ta' sentejn u nofs.

X’inhi l-għamla tiegħu?

Il-Bureau jirrifletti l-pluraliżmu politiku fi ħdan il-KtR. Huwa magħmul minn:

  • President
  • L-ewwel Viċi President
  • 27 Viċi-President ieħor (wieħed għal kull Stat Membru)
  • 26 membru ieħor
  • presidenti tal-gruppi politiċi

Franza, il-Ġermanja, l-Italja, il-Polonja, Spanja għandhom tliet siġġijiet kull wieħed. L-Awstrija, il-Belġju, il-Bulgarija, il-Kroazja, ir-Repubblika Ċeka, id-Danimarka, il-Finlandja, il-Greċja, l-Ungerija, l-Irlanda, il-Litwanja, in-Netherlands, il-Portugall, ir-Rumanija, is-Slovakkja u l-Isvezja għandhom żewġ siġġijiet kull wieħed; Ċipru, l-Estonja, il-Latvja, il-Lussemburgu, Malta u s-Slovenja għandhom siġġu kull wieħed.

X'inhuma l-kompiti tal-Bureau?

Il-kompiti ewlenin tal-Bureau huma li tiġi stabbilita u mmonitorjata l-implimentazzjoni tal-programm politiku tal-KtR, kif ukoll il-koordinazzjoni tal-ħidma tal-Assemblea Plenarja u l-kummissjonijiet.