Pajjiżi tat-tkabbir  

Kumi​tati Konsultattivi Konġunti (JCCs)

Dikjarazzjoni tal-missjoni

Kumitat Konsultattiv Konġunt jipprovdi forma ta’ kooperazzjoni konsistenti u stabbli mal-awtoritajiet lokali u reġjonali ta’ pajjiż li jixtieq jissieħeb fl-UE. Fost oħrajn, l-attivitajiet tal-Kumitat Konsultattiv Konġunt jikkontribwixxu lejn:

• it-tħejjija tar-rappreżentanti lokali u reġjonali għas-sħubija fl-UE
• l-evalwazzjoni tal-impatt tal-politiki tal-UE minn perspettiva lokali u reġjonali
• fluss reċiproku ta’ informazzjoni diretta dwar l-iżviluppi politiċi fil-pajjiżi u fl-UE
• il-monitoraġġ tan-negozjati, b’enfasi fuq oqsma ta’ rilevanza partikolari għall-awtoritajiet lokali u reġjonali
  

Kif jiġi stabbilit JCC?

• Wara talba mill-gvern tal-pajjiż ikkonċernat
• Fuq il-bażi ta' “Ftehim ta' Stabbilizzazzjoni u Assoċjazzjoni "
• Jew f'dikjarazzjoni uffiċjali tal-“Kunsill ta' Stabbilizzazzjoni u Assoċjazzjoni" bejn il-Kunsill tal-Unjoni Ewropea u l-pajjiż kandidat

Min jieħu sehem fil-JCCs?  

• Nofs ir-rappreżentanti huma rappreżentanti lokali jew reġjonali mill-pajjiż ikkonċernat
• In-nofs l-ieħor huma membri tal-Kumitat tar-Reġjuni
• Hemm żewġ kopresidenti li jirrappreżentaw il-kategoriji msemmija hawn fuq

Kif jaħdmu l-JCCs?

• Id-deċiżjonijiet jittieħdu b'mod konġunt
• Kull JCC jadotta r-Regoli ta' Proċedura tiegħu stess.
• Il-JCCs jiltaqgħu darbtejn f'sena, darba fi Brussell fil-qafas tal-avveniment Jum it-Tkabbir u darba fil-pajjiż imsieħeb​
  

Gruppi ta​​' Ħidma

Fost l-oħrajn, l-attivitajiet tal-Gruppi ta' Ħidma jikkontribwixxu għal:

• it-trawwim tal-kooperazzjoni mal-awtoritajiet lokali u reġjonali fil-pajjiż jew pajjiżi li jkopri
• l-evalwazzjoni tal-impatt tal-politiki tal-UE minn perspettiva lokali u reġjonali
• fluss reċiproku ta' informazzjoni diretta dwar l-iżviluppi politiċi fil-pajjiżi u fl-UE
• l-iskambju tal-aħjar prattiki f'oqsma speċifiċi ta' kooperazzjoni

Kif jiġi stabbilit Grupp ta' Ħidma?

• Permezz ta' deċiżjoni tal-Bureau tal-KtR skont ir-“Regoli ta' Proċedura tal-KtR"

Min jieħu sehem fil-GtĦ?

• Il-membri tal-KtR
• Il-parteċipazzjoni tar-rappreżentanti lokali u reġjonali mill-pajjiżi imsieħba tvarja skont is-suġġett diskuss u l-post tal-laqgħa

Il-GtĦ jiltaqgħu darbtejn f'sena, darba fi Brussell fil-qafas tal-avveniment Jum it-Tkabbir u darba fil-pajjiż imsieħeb​