Ikklikkja hawn biex tikseb traduzzjoni awtomatika tat-test ta’ hawn taħt.
Il-bliet u r-reġjuni tal-Unjoni Ewropea jikkundannaw bil-qawwa l-aggressjoni armata mir-Russja kontra l-Ukrajna  

F'isem il-bliet u r-reġjuni kollha tal-Unjoni Ewropea, il-Kumitat Ewropew tar-Reġjuni jikkundanna bil-qawwa l-aggressjoni armata Russa kontra l-Ukrajna.

Is-sindki tal-Ukrajna huma l-imsieħba tagħna. Il-poplu ħieles tal-Ewropa u l-komunitajiet lokali tagħhom jirrifjutaw il-gwerra u jesprimu s-solidarjetà tagħhom mal-bliet Ukreni bbumbardjati mill-aggressur Russu.

M'hemmx lok għal sejħiet retoriċi revanxisti għal ritorn lejn l-Unjoni Sovjetika fid-dinja tal-lum fejn in-nazzjonijiet u l-popli Ewropej huma ħielsa.

Aħna nuru l-appoġġ sod tagħna għall-Ukreni, is-sovranità u l-integrità territorjali tan-nazzjon tagħhom.

Ninsabu lesti li nappoġġjaw lill-bliet u lir-reġjuni Ukreni bil-mezzi kollha disponibbli, issa u fil-futur.

Nistiednu lir-reġjuni, lill-bliet u lill-irħula kollha tal-Unjoni Ewropea biex juru s-solidarjetà tagħhom, billi juru l-bandiera tal-Ukrajna jew billi jdawlu l-binjiet pubbliċi bil-kuluri tagħha.  

​Libertà għall-Ukrajna.​ 

Apostolos Tzitzikostas, President tal-Kumitat Ewropew tar-Reġjuni

Aleksandra Dulkiewicz, Sindku ta' Gdansk, President tal-Grupp ta' Ħidma dwar l-Ukrajna tal-Kumitat Ewropew tar-Reġjuni


President's Spokesperson:
Michele Cercone
Tel. +32 (0)498 98 23 49
Michele.Cercone@cor.europa.eu

Ikkondividi: