Ikklikkja hawn biex tikseb traduzzjoni awtomatika tat-test ta’ hawn taħt.
Il-Prim Ministru Rumen se jiddiskuti l-ġejjieni tal-Ewropa mal-mexxejja lokali u reġjonali  
Dibattitu mal-Kummissarju tal-UE għall-Edukazzjoni Navracsics jinsab ukoll fuq l-aġenda #CoRplenary , 6-7 ta’ Frar, Brussell

Fis-6 ta’ Frar, politiċi lokali u reġjonali minn madwar l-UE kollha se jilqgħu lil Vasilica Viorica Dăncilă, Prim Ministru tar-Rumanija u rappreżentant tal-Presidenza Rumena tal-UE, fis-sessjoni plenarja tal-Kumitat Ewropew tar-Reġjuni (KtR). Il-prijoritajiet tal-Presidenza tal-UE, il-preservazzjoni tal-koeżjoni bħala valur Ewropew komuni, u l-ġejjieni tal-UE wara l-Brexit se jkunu fost is-suġġetti ewlenin għad-dibattitu.

ARA L-#CoRplenary DIRETTA Id-Dokumenti tal-Plenarja jinsabu disponibbli hawnhekk

Il-plenarja se tibda b’kommemorazzjoni ta’ Paweł Adamowicz , Sindku ta’ Gdansk u membru tal-KtR li nqatel f’Jannar. F’dan ir-rigward, se tiġi ppreżentata riżoluzzjoni dwar " il-Ġlieda kontra d-Diskors ta’ Mibegħda " li hija mistennija li tiġi adottata mill-membri tal-KtR. Se tieħu sehem delegazzjoni minn Gdansk.

6 ta’ Frar, 15:15: Dibattitu dwar il-ġejjieni tal-programmi tal-UE għall-edukazzjoni, il-kultura, iż-żgħażagħ u l-isport

Għall-baġit fit-tul li jmiss tal-UE 2021-2027, il-Kummissjoni Ewropea qed tipproponi li tirdoppja l-finanzjament għall-Erasmus għal EUR 30 biljun. L- abbozz ta’ Opinjoni tal-KtR imħejji minn Ulrike Hiller (DE/PSE), Membru tas-Senat ta’ Bremen, jappella għal aktar miżuri sabiex tittejjeb l-inklużività tal-programm. Wara dibattitu ma’ Tibor Navracsics , Kummissarju għall-Edukazzjoni, il-Kultura, iż-Żgħażagħ u l-Isport, l-assemblea politika se tadotta wkoll ir-rakkomandazzjonijiet tagħha għall-programm Ewropa Kreattiva taħt it-tmexxija tar-relatur János Ádam Karácsony (HU/PPE), Kunsillier tal-villaġġ ta’ Tahitótfalu.

6 ta’ Frar, 17:00: Il-prijoritajiet tal-Presidenza Rumena tal-UE u l-ġejjieni tal-Ewropa

F’Jannar, ir-Rumanija ħadet f’idejha l-Presidenza tal-UE b’rotazzjoni, għall-ewwel darba minn meta ngħaqdet mal-UE. Il- Prim Ministru tar-Rumanija Dăncilă se tistabbilixxi l-prijoritajiet tal-Presidenza matul is-sitt xhur, żmien li matulu deċiżjonijiet importanti – bħal pereżempju li r-Renju Unit mistenni joħroġ mill-UE f’Marzu, l-elezzjonijiet Ewropej f’Mejju u n-negozjati dwar il-Baġit tal-UE fuq Perjodu Twil wara l-2020 – se jsawru l-ġejjieni tal-UE.

Dan id-dibattitu se jsir ftit ġimgħat biss qabel it- 8 Summit Ewropew tal-Bliet u r-Reġjuni li se jsir f’Bucharest, fl-14 u l-15 ta’ Marzu 2019. L-avveniment huwa koorganizzat mill-KtR, il-Presidenza Rumena tal-UE u l-Assoċjazzjonijiet tal-awtoritajiet lokali u reġjonali tar-Rumanija. Taħt it-titolu “ (Re) New EUrope ” is-Summit se jlaqqa’ flimkien ’il fuq minn 500 mexxej Ewropew, nazzjonali, reġjonali u lokali mill-Istati Membri kollha tal-UE biex jiddiskutu l-kontribut tal-gvernijiet lokali u reġjonali għall-ġejjieni tal-Ewropa.

Opinjonijiet/riżoluzzjonijiet oħrajn li se jiġu adottati matul is-sessjoni plenarja:

Aġenda Ewropea għar-Riċerka u l-Innovazzjoni mġedda , relatur: Birgitta Sacredus (SV/PPE)

L-Intelliġenza Artifiċjali għall-Ewropa , relatur: Jan Trei (EE/PPE)

Id-diġitalizzazzjoni tas-settur tas-saħħa , relatur: Fernando López Miras (ES/PPE)

L-indirizzar tad-diżinformazzjoni online: Approċċ Ewropew , relatur: Olgierd Geblewicz (PL/PPE)

Lejn it-Tmien Programm ta Azzjoni Ambjentali , relatur: Cor Lamers (NL/PPE)

Is-sikurezza fit-toroq u l-mobbiltà awtomatizzata , relatur: József Ribányi (HU/PPE)

Is-semplifikazzjoni tal-implimentazzjoni tat-TEN-T , relatur: Michiel Scheffer (NL/ALDE)

Il-Gwardja Ewropea tal-Fruntiera u tal-Kosta , relatur ġenerali: Anna Magyar (HU/PPE)

Riżoluzzjoni dwar "Il-Ġlieda kontra d-Diskors ta’ Mibegħda u r-Reati ta’ Mibegħda" , mressqa mill-gruppi politiki kollha tal-KtR

Informazzjoni prattika:

Post: Bini Paul Henri Spaak – Emiċiklu, Parlament Ewropew

Data: L-Erbgħa, 6 ta’ Frar, 3pm-9pm; il-Ħamis, 7 ta’ Frar, 9am-1pm.

Materjal ta’ sfond: L- aġenda u d- dokumenti tal-plenarja.

Il-plenarja se tixxandar diretta fuq is-sit web tal-KtR.

Kuntatt: PresseCdr@cor.europa.eu

Ikkondividi :
 
Aħbarijiet relatati

1.HTTPS://COR.EUROPA.EU/MT/NEWS/PAGES/YOUNG-ELECTED-POLITICIAN-PROGRAMME-2023.ASPX

2.HTTPS://COR.EUROPA.EU/MT/NEWS/PAGES/ROMANIAN-PRIME-MINISTER-DISCUSSES-EUROPE-FUTURE-WITH-LOCAL-REGIONAL-LEADERS.ASPX

Young people entrusted with the responsibilities of elected office in Europe's cities and regions deserve a voice in the policy making process as key players in building European democracy
Young people entrusted with the responsibilities of elected office in Europe's cities and regions deserve a voice in the policy making process as key players in building European democracy
31.05.2023

1.HTTPS://COR.EUROPA.EU/MT/NEWS/PAGES/FOSTERING-DIVERSITY-AND-INCLUSION-ON-THE-GROUND.ASPX

2.HTTPS://COR.EUROPA.EU/MT/NEWS/PAGES/ROMANIAN-PRIME-MINISTER-DISCUSSES-EUROPE-FUTURE-WITH-LOCAL-REGIONAL-LEADERS.ASPX

Local and regional leaders welcome Commissioner Dalli's support for their work in fostering diversity and inclusion on the ground
Local and regional leaders welcome Commissioner Dalli's support for their work in fostering diversity and inclusion on the ground
24.05.2023

1.HTTPS://COR.EUROPA.EU/MT/NEWS/PAGES/EUROPEAN-POLICIES-FIGHT-SOCIAL-TERRITORIAL-DISPARITIES-PROMOTE-COHESION.ASPX

2.HTTPS://COR.EUROPA.EU/MT/NEWS/PAGES/ROMANIAN-PRIME-MINISTER-DISCUSSES-EUROPE-FUTURE-WITH-LOCAL-REGIONAL-LEADERS.ASPX

All European policies must fight social and territorial disparities and promote cohesion
All European policies must fight social and territorial disparities and promote cohesion
24.05.2023

1.HTTPS://COR.EUROPA.EU/MT/NEWS/PAGES/BETTER-PREPARE-FUTURE-CRISES-EXTREME-EVENTS.ASPX

2.HTTPS://COR.EUROPA.EU/MT/NEWS/PAGES/ROMANIAN-PRIME-MINISTER-DISCUSSES-EUROPE-FUTURE-WITH-LOCAL-REGIONAL-LEADERS.ASPX

Europe needs to better prepare local communities to deal with future crises and extreme events
Europe needs to better prepare local communities to deal with future crises and extreme events
24.05.2023

1.HTTPS://COR.EUROPA.EU/MT/NEWS/PAGES/155-PLENARY-ANNOUNCEMENT.ASPX

2.HTTPS://COR.EUROPA.EU/MT/NEWS/PAGES/ROMANIAN-PRIME-MINISTER-DISCUSSES-EUROPE-FUTURE-WITH-LOCAL-REGIONAL-LEADERS.ASPX

On cities' and regions' agenda: Ukraine's reconstruction, crises management, EU budget
On cities' and regions' agenda: Ukraine's reconstruction, crises management, EU budget
23.05.2023