​

Fit-22 ta’ Marzu s-36 punt ta’ kuntatt tan-netwerk ta’ ċentri reġjonali rċevew il-kwestjonarju tagħhom għall-ewwel konsultazzjoni tan-netwerk permezz ta’ EU Survey. Is-suġġett huwa l-politika tal-akkwist pubbliku tal-UE, kwistjoni importanti ħafna għar-reġjuni u l-bliet tal-Ewropa u l-mistoqsijiet jiffukaw fuq l-implimentazzjoni tad-direttivi tal-2014 dwar l-akkwist pubbliku.

Il-punti ta’ kuntatt tan-netwerk issa għandhom sas-6 ta’ Mejju f’nofsillejl biex jiġbru l-feedback mill-partijiet interessati rilevanti tagħhom, jikkumpilawh, jimlew il-kwestjonarju u jippreżentawh lis-segretarjat taċ-ċentri reġjonali.

Imbagħad se niġbru din l-informazzjoni pertinenti kollha u nużawha biex nabbozzaw “rapport ta’ implimentazzjoni” dwar id-direttivi tal-UE tal-2014 dwar l-akkwist pubbliku.

Ladarba r-rapport ta’ implimentazzjoni jkun finali, se jiġi ppubblikat fuq dan is-sit web. Sadanittant se nżommukom aġġornati dwar il-progress tal-ħidma tagħna...