Ikklikkja hawn biex tikseb traduzzjoni awtomatika tat-test ta’ hawn taħt.
Il-Kanċillier Ġermaniża Angela Merkel ser tattendi l-Plenarja tal-Kumitat Ewropew tar-Reġjuni fit-13 ta’ Ottubru  

Il-President tal-Kumitat Ewropew tar-Reġjuni, Apostolos Tzitzikostas, ser jilqa’ lil Angela Merkel, Kanċillier tar-Repubblika Federali tal-Ġermanja, fis-sessjoni plenarja tal-Kumitat Ewropew tar-Reġjuni (#CoRplenary) fit-13 ta’ Ottubru. Il-Kanċillier Merkel ser tippreżenta l-prijoritajiet tal-Presidenza Ġermaniża tal-UE, tiddiskuti r-rwol tal-awtoritajiet lokali u reġjonali fil-pjani ta’ rkupru tal-UE u tniedi riflessjoni dwar il-ġejjieni tal-Ewropa.

Id-dibattitu ser jixxandar dirett fuq l-internet fit- 13 ta’ Ottubru fis-2.30 p.m. (segwih direttament mill- paġna web tal-KtR jew tal- EbS ).

Id-dikjarazzjoni ser tkun segwita minn diskussjoni ta’ siegħa mal-membri tal-Kumitat Ewropew tar-Reġjuni – mexxejja lokali u reġjonali mill-Istati Membri kollha tal-UE. Id-diskussjoni ser titratta wkoll il-koeżjoni bħala valur fundamentali għall-irkupru tal-Ewropa abbażi tas-sejbiet tal- Barometru Reġjonali u Lokali Annwali . Id-dibattitu ser jiffoka fuq il-valur miżjud ta’ miljun politiku elett fil-livell reġjonali u lokali għall-UE u fuq ir-rwol tagħhom fil-qafas tal-Konferenza dwar il-Ġejjieni tal-Ewropa. Ser jiġi diskuss ukoll ir-rwol tal-bliet u r-reġjuni fil-promozzjoni ta’ komunitajiet reżiljenti, sostenibbli u ekoloġiċi.

Sfond:

Il- huwa l-Assemblea tal-UE tar-rappreżentanti reġjonali u lokali mis-27 Stat Membru kollha. Inħoloq fl-1994, wara li ġie ffirmat it-Trattat ta’ Maastricht, u l-missjoni tiegħu hija li jinvolvi lill-awtoritajiet lokali u reġjonali fil-proċess tat-teħid tad-deċiżjonijiet tal-UE u li jinfurmahom dwar il-politiki tal-UE. Il-Parlament Ewropew, il-Kunsill u l-Kummissjoni Ewropea jikkonsultaw lill-Kumitat fl-oqsma ta’ politika li jaffettwaw lir-reġjuni u l-bliet. Biex ikunu fuq il-Kumitat Ewropew tar-Reġjuni, it-329 membru u t-329 sostitut kollha tiegħu jrid ikollhom mandat elettorali jew ikunu politikament responsabbli quddiem assemblea eletta fir-reġjuni u l-bliet tagħhom.

Kuntatt:

Michele Cercone

Kelliem tal-President

Tel. +32 (0)498 9823 49

michele.cercone@cor.europa.eu

Ikkondividi :