16-il proġett minn 10 pajjiżi differenti qed jikkompetu għal premju f’ħames kategoriji u għal Premju Speċjali Ewropew
Iċ-ċerimonja ta’ premjazzjoni annwali tal- Ġimgħa Ewropea għat-Tnaqqis tal-Iskart (EWWR) se ssir online fil-25 ta’Ġunju bejn is-2 u l-4 p.m. Nistednuk tikklikkja hawnhekk biex tirreġistra. L-avveniment se jibda b’dikjarazzjoni ta’ Virginijus Sinkevičius, Kummissarju Ewropew għall-Ambjent, l-Oċeani u s-Sajd. Din is-sena r-rappreżentant tal-Kumitat Ewropew tar-Reġjuni fil-ġurija hija l-Viċi Sindku ta’ Budapest Kata TÜTTŐ . Ikklikkja hawn biex issir taf min huma s-16-il finalist.
Minn 80 nomina mressqa mill-koordinaturi nazzjonali u reġjonali tal-EWWR minn madwar l-Ewropa kollha u lil hinn, ġew magħżula 16-il azzjoni minn ġurija magħmula minn sitt esperti u prattikanti ambjentali li jaħdmu b’aspetti differenti ta’ sostenibbiltà ambjentali. Fosthom hemm il-membru tal-Kumitat Ewropew tar-Reġjuni u l-Viċi Sindku ta’ Budapest, Kata TÜTTŐ.
Is-16-il finalist ġejjin minn 10 pajjiżi differenti: il-Greċja, il-Belġju, il-Kroazja, Spanja, il-Ġermanja, Franza, Monaco, l-Italja, In-Netherlands u t-Turkija. Dawn huma l- kategoriji tal-premjazzjoni :
- l-amministrazzjonijiet u l-organizzazzjonijiet pubbliċi;
- in-negozji;
- l-NGOs/l-assoċjazzjonijiet;
- iċ-ċittadini;
- l-istabbilimenti edukattivi.
Il-ġurija għażlet ukoll ir-rebbieħ tal-Premju Speċjali Ewropew, li jippremja dik l-azzjoni li tirrappreżenta bl-aħjar mod l-ispirtu Ewropew ta’ kooperazzjoni għall-prevenzjoni tal-iskart.
L-għażla tal-ġurija hija bbażata fuq il- kriterji li ġejjin:
- komunikazzjoni u viżibbiltà;
- il-kwalità tal-kontenut;
- l-oriġinalità;
- l-impatt tal-azzjoni.
Ikklikkja hawn biex issir taf min huma s-16-il finalist.
Iċ-ċerimonja ta’ premjazzjoni (EWWR) tiġi organizzata biex tippremja dawk l-azzjonijiet li jiddistingwu ruħhom l-aktar fit-tnaqqis tal-iskart matul kull edizzjoni tal-EWWR. F’Novembru 2019 ġew organizzati ’l fuq minn 16 500 azzjoni matul il-11-il edizzjoni tal-EWWR.
Il-Kumitat Ewropew tar-Reġjuni jappoġġja l-Ġimgħa Ewropea għat-Tnaqqis tal-Iskart u huwa membru tal-kumitat ta’ tmexxija tagħha.
Aktar informazzjoni dwar il-premjazzjoni tal-Ġimgħa Ewropea għat-Tnaqqis tal-Iskart tinstab hawnhekk .
Kuntatti:
Giulia Marrazzo // Tel: +32 2 234 65 04 // gm@acrplus.org
David Crous // Tel.: +32 (0) 470 88 10 37 // david.crous@cor.europa.eu