Network tal-Eks Membri tal-Kumitat Ewropew tar-Reġjuni  

In-Network, inizjattiva ġdida tal-Kumitat Ewropew tar-Reġjuni (KtR), tfassal għal eks membri jew eks sostituti tal-Kumitat Ewropew tar-Reġjuni, u joffrilhom il-possibbiltà li jkomplu jsegwu l-ħidma u l-attivitajiet politiċi tal-KtR. Dan huwa miftuħ ukoll għal individwi u ħbieb oħrajn tal-KtR li jixtiequ li l-esperjenza tagħhom tkun ta’ siwi għall-KtR u l-Ewropa.

L-għan tan-Network huwa li:

  • jgħin lill-KtR jikkomunika mal-kunsilli lokali u reġjonali u mal-miljun politiku lokali u reġjonali fir-reġjuni kollha tal-UE;
  • jgħin biex jippromovi l-inizjattivi politiċi tal-KtR;
  • jikkomunika dwar il-politiki tal-Unjoni Ewropea li huma rilevanti fil-livell lokali u reġjonali;
  • jikkondividi l-esperjenza u l-għarfien tiegħek ma’ dawk li jieħdu d-deċiżjonijiet fil-livell tal-UE permezz tan-networks u l-attivitajiet tal-KtR;
  • jappoġġjak biex tqarreb l-Ewropa lejn iċ-ċittadini tagħna.

X’noffru:

  • stediniet għal avvenimenti, sessjonijiet ta’ informazzjoni tematiċi online u dibattiti politiċi ta’ livell għoli;
  • tgħarrif dwar l-iżviluppi reċenti dwar il-politiki tal-UE rilevanti għal-livell lokali u reġjonali;
  • badge personalizzata biex taċċessa jew tuża l-bini tal-KtR fi Brussell;
  • Bullettin personalizzat tal-KtR u app ġdida online għall-membri;
  • appoġġ għall-inizjattivi lokali u reġjonali tiegħek (pereżempju, djalogi maċ-ċittadini).

Kif tista’ tikkontribwixxi:

  • għinna nippromovu l-inizjattivi u l-proposti politiċi tal-KtR u l-informazzjoni ġenerali dwar l-UE lil udjenza usa’;
  • involvi ruħek f’avvenimenti lokali dwar l-affarijiet tal-UE organizzati fir-reġjun jew il-belt tiegħek;
  • ipproponi ideat jew inizjattivi ġodda.

Kuntatt: 

Unità tal-Protokoll tal-KtR – Servizz għall-Viżitaturi u l-eks Membri
FormerMembers@cor.europa.eu ​ ​
Tel: + 32 2 282 21 24/25 64

 Upcoming Events

No results.

Adopted Opinions

Opinions currently in discussion

No results.
No results.
Share: