L-għanijiet tagħna
Flimkien mal-istituzzjonijiet tal-UE, il-KtR qed jaħdem fuq il-futur tad-djalogi u l-konsultazzjonijiet taċ-ċittadini, sabiex ikollhom format aktar permanenti u strutturat, flimkien ma' mekkaniżmu ta' feedback, u l-għan biex il-livell lokali jiġi inkluż aħjar fil-proċess tat-teħid tad-deċiżjonijiet tal-UE. Bi tħejjija għal dan il-mudell ġdid, il-KtR organizza sensiela ta' seminars bejn April u Ġunju 2019 ma' esperti minn gvernijiet reġjonali u lokali, gruppi ta' riflessjoni u fondazzjonijiet, u kollegi mill-istituzzjonijiet tal-UE. L-eżitu ta' dawn is-seminars ikkontribwixxa biex jinġabar kompendju ta' fehmiet ta' politiċi, prattikanti u akkademiċi reġjonali. Ikklikkja hawnhekk biex tniżżlu u tiskopri aktar dwar kif l-aħjar tinvolvi liċ-ċittadini.