L-elezzjonijiet Ewropej jikkonċernawna lkoll. Id-disa' elezzjoni se ssir bejn it-23 u s-26 ta' Mejju 2019, meta 426 miljun ċittadin tal-UE se jerġa' jkollhom iċ-ċans tagħhom li jeleġġu 751 membru tal-Parlament Ewropew (PE).
Il-Kumitat Ewropew tar-Reġjuni (KtR) u r-rappreżentanti eletti lokalment u reġjonalment tiegħu qed jaħdmu flimkien mal-Parlament Ewropew biex titqajjem kuxjenza dwar għaliex l-elezzjonijiet huma importanti u jkomplu jħeġġu ċittadini tal-UE biex jivvutaw.
Il-membri tal-KtR jirrappreżentaw mhux biss il-bliet u r-reġjuni tagħhom fi Brussell, iżda wkoll tal-Unjoni Ewropea lura f'pajjiżhom — huma ambaxxaturi tal-UE. Għalihom u għal kull ċittadin, fassalna għadd żgħir ta' sorsi uffiċjali li jista' jkun utli fil-promozzjoni tal-elezzjonijiet.
L-informazzjoni f'din il-paġna se tiġi aġġornata u l-utenti huma mistiedna jibagħtu
suġġerimenti għal sorsi addizzjonali.
Informazzjoni ġenerali dwar l-elezzjonijiet tal-2019 u l-Parlament Ewropew (PE)
Punti ta' informazzjoni fil-pajjiż jew ir-reġjun tiegħek