Network Ewropew ta’ Kunsilliera Reġjonali u Lokali 

Inwasslu l-Ewropa lill-komunitajiet lokali 

In-Network Ewropew ta’ Kunsilliera Reġjonali u Lokali huwa inizjattiva mmexxija mill-istituzzjonijiet tal-UE u indirizzata lill-politiċi lokali jew reġjonali b’mandat politiku fil-livell reġjonali jew lokali f’wieħed mill-Istati Membri tal-UE.

Il-kunsilliera lokali jew reġjonali interessati li jsiru jafu aktar dwar x’tista’ tagħmel l-UE għall-komunità lokali tagħhom, li jixtiequ jidħlu f’kuntatt mal-membri tal-Kumitat Ewropew tar-Reġjuni, jiskambjaw fehmiet u jiltaqgħu ma’ kunsilliera oħra fl-Ewropa, huma mistiedna jkunu parti min-network #EUCouncillors!

Applika hawnhekk biex tingħaqad man-network

Taqsimiet

L-għanijiet tagħna

In-network huwa mfassal biex:

  • iqarreb lill-Ewropa lejn il-komunitajiet lokali permezz tal-ħidma tal-1,2 miljun rappreżentant lokali u reġjonali fl-UE;
  • jaġixxi bħala pjattaforma għall-kunsilliera lokali u reġjonali biex jiltaqgħu, jiddiskutu u joħolqu network ma’ kunsilliera oħra u l-membri tal-Kumitat Ewropew tar-Reġjuni;
  • iħeġġeġ lill-kunsilliera lokali u reġjonali biex jieħdu sehem f’avvenimenti u attivitajiet ta’ komunikazzjoni differenti qabel l-elezzjonijiet li jmiss tal-Parlament Ewropew.

Il-proġett huwa żviluppat f’kooperazzjoni mill-qrib ma’ istituzzjonijiet oħra tal-UE, b’mod partikolari mal-Kummissjoni Ewropea (in-network Nibnu l-Ewropa flimkien mal-Kunsilliera Lokali) u l-Parlament Ewropew. 

Kif tista’ tapplika?

In-Network huwa miftuħ għall-politiċi reġjonali u lokali li huma rappreżentanti eletti fi gvern, parlament jew assemblea ta’ reġjun, belt, belt żgħira, provinċja, muniċipalità jew villaġġ.

Il-kandidati huma mistiedna

  • jimlewil-formola online, disponibbli bil-lingwi kollha tal-UE, u b’hekk japplikaw biex jingħaqdu man-network #EUCouncillors (sejħa miftuħa għall-applikazzjonijiet).
  • jipprovdu prova tal-mandat elettorali tagħhom u informazzjoni dwar l-affiljazzjoni politika tagħhom fil-livell nazzjonali u tal-UE, il-preferenzi lingwistiċi u d-data ġeografika tagħhom.

Ladarba l-applikazzjoni tagħhom tkun ġiet approvata mill-Kumitat Ewropew tar-Reġjuni, tintbagħat konferma tas-sħubija lill-kandidati biex jibdew jibbenefikaw mill-firxa ta’ prodotti u servizzi disponibbli għall-membri kollha tan-network #EUCouncillors.

X’joffri n-Network?

Bħala membru tan-Network Ewropew ta’ Kunsilliera se jkollok aċċess għal:

  • moduli ta’ informazzjoni dwar opportunitajiet konkreti tal-UE għat-territorju tiegħek;
  • webinars, laqgħat, sessjonijiet ta’ networking mal-membri tal-KtR u l-esperti tal-UE; 
  • stediniet għal avvenimenti ewlenin, dibattiti politiċi u laqgħat fil-livell tal-UE, nazzjonali u lokali;
  • info flash ta’ kull ġimgħa u bullettin ta’ kull xahar;
  • grupp fuq Facebook;
  • taħriġ fl-għodod u l-mezzi tal-media soċjali, kif ukoll masterclasses u coaching diġitali;
  • stħarriġ biex jinġabru l-ideat u l-proposti tiegħek dwar kif jista’ jiġi żviluppat aktar in-network.

Il-KtR ma jipprovdi l-ebda appoġġ finanzjarju għall-membri tan-network.

Kif taħdem mal-KtR?

Tista’ tikkontribwixxi b’mod attiv għall-attivitajiet tal-KtR billi: 

  • tikkuntattja ​lill-membri tal-KtR fil-belt u r-reġjun tiegħek biex tiddiskuti l-kwistjonijiet li huma importanti għalik;
  • tippromovi d-dibattitu lokali dwar suġġetti tal-UE qabel l-elezzjonijiet tal-Parlament Ewropew flimkien mal-membri tal-KtR u istituzzjonijiet oħra tal-UE;
  • tipparteċipa f’konsultazzjonijiet miftuħa u avveniment ewlenin – bħall-Ġimgħa Ewropea tar-Reġjuni u l-Bliet jew is-Summits Ewropej tal-KtR.

Il-pjattaformi

Li tipparteċipa fid-diskussjoni ma’ kunsilliera lokali u reġjonali oħra mill-UE qatt ma kien aktar faċli. Bħala Kunsillier tal-UE se jkollok aċċess għal:

  • Futurium

Il-pjattaforma multilingwi għall-ġbir ta’ informazzjoni dwar il-politiki tal-UE u l-inizjattivi leġiżlattivi tal-KtR, l-iskambju tal-aħjar prattiki u n-networking ma’ membri oħra.

Peress li l-grupp privat tal-Kunsilliera tal-UE fuq Futurium huwa kondiviż mal-proġett pilota tal-Kummissjoni Ewropea dwar Nibnu l-Ewropa flimkien mal-Kunsilliera Lokali, huwa l-punt uniku ta’ kuntatt għall-aħbarijiet, avvenimenti, masterclasses, briefings u dokumenti utli kemm mill-KtR kif ukoll mill-KE u l-post fejn jinġabru l-politiċi tal-istess fehma minn madwar ir-reġjuni u l-bliet tal-Ewropa.

Biex tissieħeb fil-komunità tal-#EUCouncillors fuq Futurium oħloq il-kont tiegħek tal-EU Login hawnhekk.

L-aħħar aħbarijiet

Avvenimenti

Avvenimenti futuri

Avvenimenti li saru fil-passat

Sett ta’ għodod

Documents

Visuals

Multimedia

Plamena Marinova, BG: Europe is safety

 


Ara aktar

  • Plamena Marinova, BG: Europe is safety
    Plamena Marinova, BG: Europe is safety
  • Patrick Connor-Scarteen, IE: Europe invests in communities
    Patrick Connor-Scarteen, IE: Europe invests in communities
  • Jan Dirk Van der Borg, NL: Europe invests in local infrastructure
    Jan Dirk Van der Borg, NL: Europe invests in local infrastructure
  • Emilia Wasielewska, PL: Europe is democracy
    Emilia Wasielewska, PL: Europe is democracy
  • Savannah Van Dongen, BE: Europe supports progressive projects
    Savannah Van Dongen, BE: Europe supports progressive projects
  • Marseille Summit, Café Europa for EU Councillors, 3rd March
    Marseille Summit, Café Europa for EU Councillors, 3rd March
  • Marseille Summit, Café Europa for EU Councillors, 4th March
    Marseille Summit, Café Europa for EU Councillors, 4th March

Segwina

Kuntatt

Għal aktar informazzjoni, jekk jogħġbok ikteb lil:
Ikkondividi :
 
Back to top